Flísin litla

Sorry folks...

2007-11-06T12:26:00.000Z

... en ég er komin með leið á blogginu. Ég veit að Esther hafði mikla trú á mér en ég entist ekki árið í þessu. Þið finnið mig annars staðar á netinu.

Inga Sif, sú sem er farin á MySpace og er að hugsa um FaceBook líka

Ji dúddi

2007-10-19T16:16:00.000Z

Vitið þið í hverju ég lenti í gær!

Við Karen vinkona ætluðum saman út að borða og ákváðum að hittast á miðri leið sem var samkvæmt okkar útreikningum Kringlan. Karen lagði bílnum sínum undir hjá gamla Hard Rock og svo héldum við á Asíu. Við komum til baka í Kringluna upp úr klukkan 22 og þá var planið fullt af einhverjum "svaka cool" bílum og unglingum. Ég fékk bara nett sjokk, bara að upplifa gömlu Essoplans-stemninguna aftur nema þetta var í svo litlu rými að þegar ég sat í bílnum mínum fann ég fyrir bassaboxunum í hinum bílunum og fékk næstum andarteppu vegna þrýstings. Ég sá samt aldrei svona marga bíla á Esso eins og voru þarna. Og unga fólkið sem var að skoða bílana, þetta voru örugglega svona 50-60 manns og svo sá ég 2 kalla með myndavélagræjur. Ég veit ekki hvort þetta er svona á hverju kvöldi eða hvert fimmtudagskvöld eða hvort þetta hafi verið eitthvað sérstakt. En við Karen litum bara á hvor að með spurningamerki í andlitinu.

Við komumst ekki einu sinni út af því að það voru svo margir að skoða bíla og felgur og eitthvað kjaftæði. Það horfðu ansi margir á elskulega Subaruinn minn og Hyundai-inn hennar Karenar, ég er alveg viss um að við höfum verið á langflottustu bílunum!

En þetta var mjög spes og ég er að hugsa um að fara í smá njósnaleiðangur einhvern tíma seinna og athuga hvort þetta hafi verið einstakt kvöld eða hvort unga fólkið safnist þarna saman með bílana sína eftir að Reykjavíkurborg ákvað að reisa Tónlistar- og Ráðstefnuhús niður við höfn þar sem hið gamla góða Essoplan var.

Inga Sif, sú sem var á flottasta bílnum í gær ;)

Af hverju?

2007-10-18T08:31:00.000Z

Hví er það svo að framleiddar eru alltaf sömu/svipaðar bragðtegundir í drykkjum og jógúrtum/skyrum?
Það er alltaf verið að koma með eitthvað nýtt á markaðinn með örlitlum útfærslum. Tökum dæmi:

1. Jógúrt/skyr. Það eru til milljón gerðir af jógúrtum sem koma koma frá mismunandi framleiðendum en einhvern veginn tekst öllum að klína jarðarberjabragði í allt sem þeir framleiða. Það er til jarðarberja þykkmjólk, skyr, ab-mjólk, engjaþykkni, jógúrt og í öllu því sem er með Drykkjar- fyrir framan. Meira að segja eru jarðarber í jógúrti með blönduðum ávöxtum (hefði alveg mátt sleppa því þar sem svo margt annað var þegar í boði með því bragði). Og þetta er allt saman svo hryllilega væmið og sætt að það er varla hægt borða þetta.

2. Drykkir. Hér er ég samt aðallega að meina gos. Það er alltaf verið að koma með nýja gosdrykki á markaðinn og það liggur við að annar hver þeirra innihaldi sítrónu- eða límónubragð. Það er þó ekki jafn slæmt og með jarðarberjabragðið því þetta er alveg drykkjarhæft en tökum dæmi um drykki sem innihalda þetta bragð. Það er Sprite, 7up, 4 tegundir af kristal (2x venjulegur, 1x + og 1x sport), 3 toppar og svo hefur verið til pepsi twist sem var með sítrónu og nú er pepsi með límónu.

Hafa framleiðendur ekki meira hugmyndaflug en þetta? Er ekki hægt að koma með einhverja aðra ávexti? Egils tók nú af markaðnum fjólubláa kristalin sem var með sólberjabragði og kom i staðinn með kristal með sítrónu og jasmín, þvílíkt og annað eins!

Inga Sif, sú sem langar í eitthvað annað en jarðarber og sítrónur/lime

Inga Sif og nýi síminn

2007-10-14T13:02:00.000Z

Fór í símaleiðangur með Fanneyju systur sem nú er stödd sunnan heiða. Ég var með ákveðinn síma í huga en hún svolítið óviss. Við sáum mjög flottan síma nema hann var bronslitaður og það var ekki að gera sig. Við spurðum um fleiri liti og afgreiðslumaðurinn sagði einnig vera til bleikan. Fanney fékk vægt sjokk, bronsaður eða bleikur sími er ekki alveg hún en haldið þið að ég hafi ekki skellt mér á einn bleikan, já BLEIKAN! Hann er algjört bjútí. Ég fann bara mynd af svörtum svona síma þannig að þið verðið að ímynda ykkur hann bleikan - be open minded

Við eigum eftir að connecta betur en ég veit að með tímanum verðum við orðin bestu vinir :)

Inga Sif, sú sem er mjög ánægð með nýja bleika símann sinn :D

Bloggleysi dauðans

2007-10-11T18:29:00.000Z

Næstum mánuður síðan ég bloggaði og vá maður hvað það hefur mikið gerst síðan þá.

Fór norður með Önnu Dóru systir og Dagnýju Rut dóttur hennar í heimsókn til Fanneyjar systur og Daníels Týs. Þetta var frábær ferð þrátt fyrir að geta ekki heimsótt alla sem ég ætlaði mér að heimsækja. En vonandi verður stutt í næstu ferð og þá verður kíkt í aðrar heimsóknir.

Svo byrjaði ég í nýrri vinnu um mánaðamótin hjá Tryggingamiðstöðinni. Þar er ég þjónustufulltrúi í vátrygginga- og fjármálaþjónustu fyrirtækisins og er að fíla mig svona asskoti vel þar. Fjórir einstaklingar (ég meðtalin) á aldrinum 24-33, 2 kk og 2 kvk sem hlustum að glymrandi góða músík allan daginn og vinna þar á milli he he he. Ég er ekki komin almennilega inn í þetta allt saman strax, enda miðað við 6 vikna kennslu áður en farið er að vinna almennilega við þetta. Ég er EKKI að reyna að lokka inn nýja viðskiptavini, það sjá framhaldsskóla gaurarnir um sem mæta kl. 16:30 á daginn.

En loksins er ég komin með vinnu í Reykjavík og þarf ekki að vakna fyrir allar aldir til að smala saman liði og keyra til Keflavíkur. En þá kemur annað... Inga Sif er að fara að flytja til Njarðvíkur, nánar tiltekið Innri-Njarðvík, næstu mánaðamót þannig að það verður ekki lengi sem það tekur mig 30 mín. að aka í vinnuna. En hvað gerir maður ekki fyrir góða vinnu!

Svo er ég búin að kíkja í bæinn og svona, síðasta laugardag var afmæli hjá Önnu Rós og var dagurinn tekinn snemma í Mecca Spa, svo farið heim til hennar og borðað dýrindis mat og um kvöldið kom svo spákona um kvöldið. Ég ætla ekki að segja hvað hún sagði um/við mig í smáatriðum en segi bara að ég er bara ánægð og sátt við það sem hún sagði (ef það rætist).

Svo er það auðvitað pólitíkin........... HVER VILL D.B.E. SEM BORGARSTJÓRA??? Er fólk alveg búið að missa vitið??? Ég er svo gáttuð, get ekki tjáð mig meira um þetta mál en ég get sagt ykkur það að ég kom víst upp í hugann hjá nokkrum þegar þetta var tilkynnt þar sem hann Dagur er svarinn óvinur minn.

Jæja, búin að pústa. Allir ánægðir með bloggið mitt?

Inga Sif, sú sem hefur ekki bloggað lengi

Oh, what a beautiful mornin´...

2007-09-19T18:59:00.000Z

Oh, what a beautiful day.
I got a beautiful feelin'
Everything's goin' my way

Inga Sif, sú sem fékk nýja vinnu í dag JIBBÍÍÍÍ

Komin heim í kuldann á klakanum

2007-09-17T17:18:00.000Z

Já ferðin er því miður búin. Kom heim í fyrrinótt og þá var hitinn hér á landi ein gráða. Þessa tölu hef ég nú ekki bara séð í hálft ár eða svo. Úti var ég vön svona 32-36 stiga hita yfir daginn og á kvöldin var oftast 25-26 gráður.

En ferðasagan í stuttu máli:
Komið út um miðnætti svo þegar við fórum á barina "okkar" voru tveir þeirra lokaðir svo við kíktum á einn stað. Svo var sólbað í ég veit ekki hvað marga klukkutíma þegar ég tel saman yfir alla ferðina. En svo fór ég í þrjár ferðir; fyrst til eyjarinnar Santorini - LOVING IT - en allir Skala vinirnir fóru þangað saman. Það var ógeðslega vont í sjóinn á leiðinni til baka til Krítar og við þurftum að þola æluhljóð og lykt því fylgjandi. En við komumst heil til baka og skemmtum okkur mjög vel yfir þessu öllu saman. Svo skoðuðum við Bryndís Perlur Krítar ásamt bökurunum fjórum. Þetta var ferð þar sem skoðaður var hluti af eyjunni til dæmis gamall kastali, virki og munkaklaustur. Svo dýfðum við tánum ofan í Lýbíuhafið sem er á suðurhluta eyjarinnar og keyrðum um geggjað bratta og mjóa fjallvegi og nutum dagsins í botn. Síðasta ferðin var í Samaria gljúfrið með Bryndísi. Við löbbuðum samt ekki niður allt gljúfrið, fórum bara upp á móti hópnum. Þetta tók heilan dag og tók alveg ágætlega á.
Leigðum bíl í tvo daga og Bryndís keyrði alveg eins og Krítverjar gera - CRAZYNESS - Fórum í Gokart og vatnsrennibrautagarð, við Bryndís fengum okkur tattoo og allir versluðu sér eitthvað. Svo var það auðvitað djamm djamm djamm en samt ekki jafn mikið og síðast. Hittum fullt af skemmtilegu fólki og eyddum fullt af tíma á börum bæjarins. Þetta var frábær ferð í alla staði. Sé ekki eftir því að hafa þurft að bíða í 8 mánuði frá því við keyptum ferðina og þangað til við fórum. Loving it!

En nú tekur hið daglega líf aftur við með enga sól en fullt af rigningu, kannski smá snjó.

Inga Sif, sú sem var í himnaríki í tvær vikur

Obbobobbobobb

2007-08-23T22:02:00.000Z

Langt síðan ég hef litið hingað. Ég er búin að vera á fullu í vinnunni... þá meina ég FULLU! Tók samt frí vikuna eftir verslunarmannahelgina og það var ansi gott. Um versló var farið eina nótt í Úthlíð og þar var liðið mis skrautlegt (Bryndís var sú skrautlegasta). Henný + Joe + Sade + Inga Fjóla voru hérna 4. - 19. ágúst og við hittumst nokkrum sinnum, kíktum m.a.s. á djammið og var Henný orðin ansi skrautleg þegar komið var í bæinn he he.

Sigrún var með smá innflutningsteiti helgina eftir versló og var þar tekin góð upphitun fyrir Krítardrykkjuna. Við tvær vorum frekar skrautlegar og greyið hún Helga þurfti að þekkja okkur allan tímann í bænum. Henni hefur þó varla leiðst, við erum svo æðislegar ;)

Það er búin að vera geggjun í vinnunni, skólavertíðin á milljón en sem betur fer er farið að róast. Samt eru þá endursendingar eftir sem eru engu skárri.

Nú á ég bara eftir að vinna í 5 daga og svo er það Krítin mín sem ég er búin að bíða eftir síðan í janúar. Við erum öll að deyja úr spenningi, í hvert einasta skipti sem ég heyri í einhverjum sem er að fara út með mér er eyjan nefnd. Ekki leiðinlegt - öfundið þið mig ekki? Na na na bú bú

Inga Sif, sú sem er aaaaaalveeeeg að fara til Krítar :D

Litið til baka og horft fram á við

2007-08-03T09:29:00.000Z

Á fyrsta föstudegi ágústmánaðar í fyrra var ég að vinna en ég veit að ég skilaði ekki miklu af mér þann dag. Stefnan var nefnilega tekin á Vestmannaeyjar ásamt tveimur vinnufélögum og þið getið rétt ímyndað ykkur spennuna sem var í gangi. Þegar svo komið var til Þorlákshafnar breyttist spennan yfir í nett sjokk þegar Helga og Bryndís stóðu á planinu hjá Siggu vinkonu (sem ætlaði að geyma bílinn minn yfir helgina). Þær höfðu þá legið á netinu daginn áður og fundið sér miða til Eyja og komu surprise :) Þetta var æði!!! Helgin var frábær í alla staði og þessi litla rigning sem kom var bara partur af programmet. Á þriðjudeginum héldum við vinnufélagarnir aftur heim eftir langa helgi þar sem mikið var drukkið og dansað. Ég held að daginn eftir hafi vinnan heldur ekki verið svo góð hjá okkur hehe.

Í gær var síðasti dagurinn minn í vinnunni í bili. Smá sumarfrí og aðeins að anda. Þetta er nú ekki langt frí, byrja aftur mánudaginn 13. ágúst og fer svo út 1. sept. þannig að það verður heldur ekki löng törn. Ekki get ég sagt að ég hafi verið dugleg að vinna í gær enda í mikilli fýlu út í þetta blessaða fyrirtæki sem ég vinn hjá. Ég hafði því ekki slæma samvisku þegar ég var of lengi í kaffi og mat eða þegar ég sat bara að spjalla við vinnufélagana.
Í þessu stutta sumarfríi ætla ég að fara í litun, útilegu á Flúðir (já enginn sumarbústaður) og svo er stefnan tekin á Fiskidagana á Dalvík næstu helgi.

Vona að þið eigið góða helgi framundan og munið að fara varlega í umferðinni. Later...

Inga Sif, sú sem er í sumarfríi

Pæling dagsins

2007-07-26T12:35:00.000Z

Getur það verið að á sumrin sé maður latari á veturna vegna hitans? Samt sem áður langar mig oftast frekar út í sólina en snjóinn. En einhvern veginn kem ég mér aldrei þangað... :s

Inga Sif, sú sem situr innan dyra

Alveg að bresta á

2007-07-18T12:59:00.000Z

Það fer alveg að koma að Krítarferðinni! Það eru 45 dagar þangað til - sem mér þykir ekki mikið þar sem við keyptum ferðina í janúar. Spennan er orðin gífurleg og ég get ekki beðið eftir að hitta fólkið mitt á Krít. Ég komst þó að því í gær að eitt parið sem við þekkjum er hætt saman þannig að stelpan (Christina) ætlar bara að reyna að hitta okkur en hún býr í Aþenu. Það er svo margt sem ég ætla að gera þarna úti og það er alltaf hægt að finna eitthvað nýtt að gera, nýja staði að skoða og svona. En nóg um Krít.

Við Bryndís kíktum á Flúðir á laugardaginn þar sem eitthvað lið úr símanum var þar og Kristínu leiddist án okkar. Þar var nú aldeilis drukkið og fengu sumir símtal frá okkur um nóttina (hehe) Einn var þó frekar fúll yfir að hafa ekki verið boðið með (Atli ég lofa að segja engum að það hafi verið þú) en við bætum úr því seinna. Stefnan var tekin á útilegu um helgina en ef veðrið verður eins og spáin sýnir þá held ég að það verði ekkert úr því. En sjáum til.

Svo er það verslunarmannahelgin. Það var búið að nefna Hellishóla en ég hef ekkert meira heyrt um það. Er eitthvað í gangi, einhverjar hugmyndir... eins og Eyjar! ;)

Inga Sif, sú sem langar til Eyja

Írskir dagar hvað!

2007-07-09T18:10:00.000Z

Hver þarf að fara upp á Skaga á írska daga og partý þegar maður hefur náttúruperlu eins og Þórsmörk og fullt af nýju fólki til að kynnast.

Á fimmtudaginn var mér boðið í Þórsmörk af Bryndísi því Kristín á Space þurfti að sækja kærasta sinn og vini hans þangað inn eftir. Ég þáði það boð og við Bryndís héldum af stað upp eftir um kvöldmatarleytið á föstudagskvöldinu. Við fengum far með vinnufélaga Gunnars (kærasta Kristínar) og hittum svo Kristínu á Selfossi sem hafði skroppið upp í bústað til foreldra sinna. Af þeim sem voru með okkur í Mörkinni (ekki á Mörkinni á Skaganum) þekkti ég þessar fyrrnefndu tvær skvísur, hitt var allt bláókunnugt fólk. Ekki fannst okkur Bryndísi erfitt að kynnast þessu fólki og mingluðum vel. Um nóttina hélt ég algjörlega uppi stuðinu þegar ég var að spjalla við hann Gullis en það var maður sem einnig var staddur innfrá, þó ekki með okkur í hóp. Nóttin leið og það var ekki fyrr en 7 um morguninn sem við skriðum inn í tjald, vorum bara tvær eftir fyrir framan "varðeldinn" okkar ásamt einum strák sem leist ansi vel á djammúthaldið okkar. Næstu nótt vorum það líka við þrjú sem héldum lengst út, þó ekki jafn lengi og nóttina áður.

Veðrið spillti ekki ferðinni. Þó að það hafi rignt á laugardeginum böggaði það okkur ekki mikið, sjógallinn var bara dreginn fram og málið var leist. Gærdagurinn var sko æðislegur. Sól og blíða tók á móti okkur þegar við vöknuðum og við flatmöguðum í sólinni fram eftir degi. Hitinn var um og yfir 25 gráður og við vildum varla fara heim. Svo stoppuðum við Seljalandsfoss þar sem einn skellti sér ofan í fossin!!! og vorum ekki komin í bæinn fyrr en um átta í gærkvöldi.

Ég verð nú eiginlega að segja að þessi helgi verður ofarlega í huga lengi, þó er síðasta helgi enn fersk í minni og handboltaveislan er ekki gleymd. Nú er bara að draga fólk með sér í fleiri útilegur, næstu helgi er það þó Esjan. Hvað með helgina þar á eftir pípól???

En hvað segið þið, hvernig var djammið á írsku dögunum ;)

Inga Sif, sú sem langar fljótlega aftur í útilegu

Ég bið að heilsa Ingu Sif

2007-07-04T22:16:00.000Z

Já herrar mínir og frúr!

Ég var víst búin að lofa því að segja frá viðburðum helgarinnar svo hér kemur það:

Föstudagskvöldinu eyddi ég heima hjá mér í Super Mario Bros 3 ásamt Guðbjörgu og Bryndísi. Við sátum hér til miðnættis að reyna að rifja upp erfiðu borðin og leynibrögðin í hverju borði fyrir sig. Við hlógum og hlógum, vorum þvílíkt spenntar yfir þessu öllu saman alveg eins og í gamla daga. Ótrúlegt hvað maður man samt mikið ennþá... kannski af því að þetta var spilað daginn út og daginn inn hér áður. Þetta var alveg æðislegt, vonandi verður þetta gert aftur fljótlega.

Sama kvöld var Helga nokkur Hrönn stödd niður í miðborg Reykjavíkur ásamt Silju Rós. Þær ákváðu að væta kverkarnar "örlítið." Svo voru þær staddar á Kaffibarnum og þar hittum þær einn ákveðinn herramann nánar tiltekið Vigni Svavarsson handboltahönk. Fyrir þá sem ekki vita þá er hann línumaður og spilar með íslenska landsliðinu (þessi sæti nr.2). Helga Hrönn gaf sig á tal við hann og smellti myndum af honum. En þegar Helga var búin að tilkynna honum að ein vinkona sín sé ógó skotin þá sagðist hann biðja heilsa henni. Og ef þið vitið það ekki nú þegar þá er þessi vinkona hennar ÉG! Ég trúi því ekki enn að ég hafi ekki verið með henni, why god - WHYYYYYYY??? Sama kvöld hitti hún Fúsa (annan línumann) og Loga Geirs (skyttu/horn). Ég bara skil þetta ekki - ég sofandi og fullt af skemmtilegu liði á djamminu.

Þá þýddi ekkert annað en að skella sér í 101 kvöldið eftir og vonast eftir að rekast á þá. Við Bryndís sátum á Barðastöðum og drukkum allt vit frá okkur og fórum svo í bæinn með Helgu drivernum okkar. Við hittum Heimi bróðir of vini hans og vorum allt kvöldið á Hressó, ekki á röltinu eins og ætlunin var. Upp úr klukkan sex um morguninn vorum við stöllur svo að taka einn Laugaveg áður en heim yrði haldið og þá sjáum við hvar Logi Geirs situr á bekk í Bankastrætinu. Við fyndnu stelpurnar flautuðum á hann kölluðum eitthvað til hans og það endaði með því að hann kom að bílnum og bað um far heim ásamt vinkonu sinni. Við játtum því og úr varð klukkutíma rúntur með Loga í aftursætinu. Ég hélt að Helgan myndi hætta að anda hún var svo sjokkeruð. Við (uh eiginlega Helga) sagði honum allt um Inga Sif vs. Vignir og það endaði með því að Loginn tók niður númerið mitt og ætlar að láta Vigninn fá það (eða svo sagði hann). Þá var það ég sem fékk andarteppu og lá við að stelpurnar þyrftu að beita mouth to mouth og koma með fötu og tusku undir allt slefið sem ég hafði frussað út úr mér þegar talað var um Vigni.

Eftir þessa helgi er varla hægt að tala við Helgu Hrönn án þess að hún nefni það að Logi hafi verið í bílnum hennar. En hún hefur fullan rétt til þess. Ég myndi líka vera svona hefði línumaðurinn setið í mínum bíl. Þetta er það sem að helgin geymdi. Ásamt kvöldverði með Helgu á sunnudagskvöldinu þar sem atburðir helgarinnar voru ræddir sem voru enn í fersku minni og mun þessi helgi verða lifibrauð okkar í langan tíma. Oh litla Íslandið getur stundum verið æðislegt.

Skelli inn myndum til að sanna mál mitt he he

Inga Sif, sú sem bíður eftir símtali... allavega smsi ;)

Umferðin og ég

2007-06-27T22:49:00.000Z

Viltu verða að minningu?
Hægðu á þér!

Þetta stendur á skiltum á brúm, það fyrra við Grafarholtið/Grafarvoginn og það seinna á brúnni við Ásahverfið í Hafnarfirði.

Þessi skilti eiga að minna fólk að það að hægja á sér og það er sko alveg þörf fyrir því. Þetta ætti að vera alltaf hér á höfðuborgarsvæðinu því fólk er farið að keyra eins og fábjánar hérna, miklu meira en áður. Ég var að keyra framhjá Mjóddinni í dag og var sko á 80 km hraða þegar aðrir bílar þeytast fram úr mér á miklu meiri hraða. Mér leið eins og gamalli kellingu sem keyrir um á 30 því það var hámarkshraðinn þegar hún fékk bílprófið. Svo þegar við vorum á leiðinni í vinnuna áðan keyrði ég á 100-110 á Reykjanesbrautinni og hugsaði aftur til gömlu konunnar þegar bílarnir skutust fram úr mér. Veit fólk ekki að það var verið að hækka hraðasektirnar?

Ég skil ekki svona og þoli ekki svona. Hægið á ykkur...fífl! (Taki þetta til sín sem eiga)

Inga Sif, sú sem fer að verða hrædd í umferðinni

JúHúúú!!!

2007-06-17T22:20:00.000Z

Tvennu ber að fagna, eitt leiðinlegt...

1. Útskrift í gær: ótrúlega líður mér vel yfir því að vera búin með háskólann. Það var svaka gaman hjá mér, var ekki við athöfnina og fór svo út að borða með fjölskyldunni og hinum gærunum fjórum á Lækjarbrekku. Eftir það var svo haldið heim til mín þar sem fleiri mættu í bollu og jellyshots. Ég fékk alveg fullt af pökkum með flottu dóti. Takk æðislega fyrir mig allir saman - kyss kyss kyss og kram.

2. Ísland var að vinna Serbíu í Laugardalshöllinni. Leikurinn endaði með tveggja marka mun sem þýðir að við erum komin áfram í Evrópumeistarakeppninni. Ég var á vellinum ásamt fríðu föruneyti og það var rífandi stemning í höllinni. Gleði gleði gleði.

Það leiðinlega: Helv... andsk... djö... ekkert hefur heyrst af nýrri vinnu. Mig langar svo að losna úr Keflavíkinni; er sko alveg komin með nóg af þessu. Langar líka bara að fá vinnu sem hæfir menntun minni. Vona að það verði sem fyrst, allir að krossa fingurna!!!

Inga Sif, sú sem er glöð og leið á sama tíma

Margt að gerast, ekkert að segja :Þ

2007-06-08T09:44:00.000Z

Æi, búin að vera allt of löt við að hripa eitthvað niður hér. Ég er m.a.s. búin að fara norður og ekki eitt einasta orð um það komið hingað inn. Ég var þar síðustu helgi og hitti fullt af fólki, m.a. nýfæddar prinsessur. Hmm... kannski ekki hægt að segja nýfæddar þar sem önnur þeirra fæddist í júlí í fyrra og hin í október - en ég var að sjá þær í fyrsta skipti. En svo er margt framundan næstu helgar, ég er bara busy person í öðru en lærdómi :D Útskriftin er auðvitað aðalmálið og er hún eftir 8 daga. Vó hvað ég hlakka til, þó ég nenni ekki að fara niður í Laugardalshöll og hlusta á röfl í 3 klst. þá verður þetta dýrðardagur.

Inga Sif, sú sem er busy

Bara útskriftin eftir

2007-05-28T20:52:00.000Z

Síðasta einkunnin kom í dag, eða réttara sagt seinni einkunnin. Litla barnið mitt færði mér 9 í skjalið og ég er mjög ánægð með það.

Var í sumarbústað um helgina með nokkrum gærum og þvílík afslöppun! Eina sem böggaði mig var að við mættum með NINTENDO tölvuna mína en gátum ekki fengið hana til að virka. Ný tækni vs. gömul tækni kannski. En annars var þetta svaka fjör.

Inga Sif, sú sem er glöð :D

Ég fékk 581 stig!

2007-05-23T23:20:00.000Z

Ef þið svarið eftirfarandi spurningum játandi þá fáið þið stigin sem standa fyrir aftan spurninguna. Leggið þau saman og commentið á mig hver summan er. Því hærri stig því meira naughty naughty ;)

P.S. ekki fyrir viðkvæma :Þ

Ég hef:
Reykt hass - 10
Tekið sýru - 5
Gert það í kirkju - 25
Vaknað upp um morgun og ekki þekkt manneskjuna við hlið mér - 40

Gert það með einhverjum sem ég kynntist á netinu (sem ég þekki ekki vel) - 25

Gert það fyrir peninga - 100

Eyðilagt eitthvað (viljandi) - 20

Gert það á rúmi foreldra minna - 100

Barið einhvern - 50

Klætt mig í föt af hinu kyninu - 30

Gefið strippara peninga - 25

Verið ástfangin/n af strippara - 20

Kysst einhvern sem ég þekki ekki - 80

Reynt við vinnufélaga - 50

Keyrt full/ur - 50

Orðið Full/ur í vinnunni eða farið í vinnuna ennþá full/ur - 25

Notað kynlífsleikföng í samförum - 30

Farið í blackout - 20kr

Gert það í sundlaug - 20

Kysst einhvern af sama kyni - 10

Gert það með einhverjum af sama kyni - 20

Haldið framhjá - 100

Fróað mér - 25

Haldið framhjá með skyldmenni makans eða vini - 150

Gert oral - 5

Fengið oral - 5

Fengið eða gert oral í bíl á ferð - 25

Stolið einhverju - 10

Gert það með einhverjum sem hefur verið í fanglesi - 25

Búið til heimagerða klámmynd - 15

Farið í threesome - 50

Gert það úti í náttúrunni - 20

Verið í sama herbergi og einhver sem er að gera það - 25

Stolið einhverju sem er meira en 5000 króna virði - 25

Verið hrifin/n af fleiri en einum í einu - 50

Sagst elska einhvern án þess að meina það - 25

Hlaupið um nakin/n - 5

Hlaupið um nakin/n að degi til - 15

Verið handtekin/n - 5

Verið í fangelsi - 15

Pissað í sundlaug - 1

Farið í flöskustút - 5

Gert eitthvað sem ég sé eftir - 20

Gert það með besta vini/vinkonu - 20

Gert það með vinnufélaga - 25

Logið að maka - 5

Feikað fullnægingu með maka - 25

Gert það í tjaldi -10

Gert það með einhverjum sem ég hata -15

Sofið hjá 2-3 sömu helgina -60

Verið hrifin/nn af löggu -35

Verið til í að gera það með stelpu -25

Horft á klámynd og gert það á meðan -70

Inga Sif, sú sem hefur gert sumt en annað ekki ;)

Ráðherrar

2007-05-22T20:18:00.000Z

Guðlaugur Þór Þórðarson heilbrigðisráðherra. What a crap!
Pant ekki þurfa leita þangað.

Inga Sif, sú sem ekki treystir þessum manni

Sumar, haust, vetur

2007-05-21T20:58:00.000Z

Svona hafa síðustu þrír dagar verið. Ég veit ekki hvað ég á að halda - hvaða árstíð er núna?
Ég er farin að vinna á fullu en ekki búin að fá draumastarfið upp í hendurnar. Hvar get ég pantað svoleiðis?

Inga Sif, sú sem er ringluð og þreytt á veðrinu :(

Einkunnir

2007-05-16T22:15:00.000Z

Það er svoooo erfitt að bíða eftir einkunnum. Þess vegna er skemmtilegtast að fá þær þegar ég síst býst við þeim. Bara eftir að fá út úr lokaritgerðinni minni :)

Inga Sif; sú sem fékk 9 í Rannsóknum :D

Ég er frjáls eins og fuglinn...

2007-05-12T11:59:00.000Z

Skilaði ritgerðinni í gær.
What a happy day it was. :)

Inga Sif, sú sem er orðin fullorðin

Ekkert hægt að segja

2007-05-08T11:28:00.000Z

Er það bara ég eða hafa einhverjir fleiri verið að misskilja góðan söng í gegnum tíðina?
Þið sem sáuð Kastljósið í gær skiljið mig kannski, nei ég er ekki að setja út á hana Björk okkar heldur "listamanninn" Megas. Ég get svo svarið það að á bakvið hann hefur verið hundur að spangóla á sumum stöðum í laginu. Þetta var fáránlega ógeðslegt og ég vona að enginn kaupi nýja diskinn hans.

Inga Sif, sú sem er hneyksluð!!!!!!!!!!

Síðasta vikan mín

2007-05-07T11:49:00.000Z

Lengi hef ég beðið eftir að þessi vika renni upp, þá sérstaklega föstudagurinn. Ég er að leggja lokahönd á ritgerðina og búin að vera í fríi frá henni síðan 1. maí. Síðasta vika var vinnuvika og helgin fór að mestu í keyrslu þar sem ég "skrapp" á Egilsstaði með Heimi bróðir, Nínu og Arisi. Vá hvað það var gott að komast aðeins í burtu en ég hafði því miður ekki tíma til að kíkja upp á fjall. Geri það bara í sumar þegar við vinkonurnar tökum smá roadtrip - eða er það ekki annars ;)

Næstu dagar verða fljótir að líða og fyrr en varir verð ég komin með ritgerðina fullgerða í hendurnar. Eftir viku verð ég svo farin út á vinnumarkaðinn og verð þar lengi lengi. Það er mjög skrítin tilfinning! Vonandi fæ ég draumastarfið mitt en hvað það er hef ég ekki hugmynd um. Við hvað ætti ég eiginlega að fara að vinna, einhverjar hugmyndir?

Inga Sif, sú sem er aaaaaalveeeeeg að verða búin

Gleðilegan mánudag

2007-04-30T11:24:00.000Z

Eftir helgi þar sem var lært og leikið langt fram eftir kvöldum er alltaf gott að geta sofið lengur á mánudögum. Það versta er að þá dregst annað sem áætlað var að gera, svona eins og klára eitt stykki ritgerð. Nú fer að koma pressa og þá er gott að kíkja aðeins í vinnuna... svona til að setja enn meiri pressu. Ég hef daginn í dag, morgundaginn og hluta af miðvikudeginum til að skila af mér fullkomnu eintaki af ritgerðinni minni sem enn hefur ekki hlotið nafn. Gellan á skrifstofu félagsvísindadeildarinnar gaf leyfi fyrir frest á nafngift þangað til á miðvikudaginn.

Inga Sif, sú sem stendur í ströngu

Nafngiftir

2007-04-24T10:45:00.000Z

Ég hef heyrt marga segja það að erfitt sé að ákveða nöfn fyrir börnin sín. Ekki er svo langt síðan að Bylgja Dögg þurfti að standa í því og hef ég fengið sögur af því, bara gott.

En að finna nafn á B.A. ritgerð - það ætti kannski ekki að vera mikið mál en fyrir mér er það svo. Ekki bætir úr skák að ég þarf að finna nafn á íslensku og ensku. Enska nafnið er þó komið - að hluta - en það íslenska vefst ansi mikið fyrir mér :S

Inga Sif, sú sem þarf að skíra á morgun

Hvað er ekki til???

2007-04-17T19:23:00.000Z

Mig langar alveg ofboðslega að deila þessu með ykkur http://www.youtube.com/watch?v=aEKqU1fkYCI

Þetta er eitt af því sem ég var að skoða fyrir ritgerðina mína. Spennandi ekki satt?

Inga Sif, sú sem ekki tekur þátt í raunveruleikaþáttum :)

Skondinn s***ur

2007-04-11T16:38:00.000Z

Já, hún Fanney systir er greinilega farin að hafa áhyggjur af karlmannsleysi mínu og eyðir stórum hluta vinnutíma síns vafrandi á netinu í leit að réttum dúdda (eða eitthvað svoleiðis).
Í dag sendi hún mér link á heimasíðu hjá einum sem henni finnst "matcha" við mig. Kíkið endilega á http://flisin.blogdrive.com

Svolítið skondið að sjá aðra flís hér í boggheiminum, en svona er þetta bara - ég fæ aldrei að eiga neitt ein!

Páskarnir búnir, skólinn ennþá, ég að læra og allir sáttir bara?

Inga Sif, sú sem fékk Flís

Páskafrí með tilheyrandi áti

2007-04-06T09:20:00.000Z

Langar bara að segja HEPPÍ ÍSTER allir saman. Þetta páskafrí er ekkert frí hjá mér, því miður :( verð að læra en samt verður eitthvað lyft sér upp.

Í gær kíkti ég ásamt Guðbjörgu og Helgu Hrönn smá rúnt og fengum okkur ís niður í 105, rétt við mörkin á 101. Þar var einhver stórskrítinn karl (ég er ekki að reyna að vera vond, hann var stórskrítinn) og var að bölva einhverjum strákling sem var að vinna þarna. Þetta endaði með því að kallað var á lögregluna og einn stór og einn lítill bíll kom á vettvang. Við stöllurnar sátum út í bíl og fylgdumst spenntar með öllu saman, eins og litlar stelpur á ævintýramynd í bíó. Endirinn varð sá að löggumennirnir töluðu bara við manninn á meðan hann kláraði hamborgarann sinn og svo fóru þeir í burtu í sínum flotta júníform. Þetta hefði sko ekki gerst neins staðar annars staðar en þarna, þó að við vorum í 105 þá vorum við á Laugarveginum þannig að það er miðbærinn ;)

Í kvöld er planið að kíkja í allt annað sveitarfélag og fara í gegnum göng sem liggja undir sjóinn. Þar verður einhver smá samkoma, ég þarf auðvitað að læra á morgun þannig að fyllerí er ekki alveg í boði fyrir mig. En það er ekkert vandamál að skemmta sér edrú svo þetta verður örugglega gaman.

Svo hlakka ég til á sunnudaginn því þá ætla ég að eyða deginum upp í sófa fyrir framan sjónvarpið og borða Freyju-ríspáskaeggið mitt :) Ætla að sjá til hvort lærdómurinn verði nokkur þann daginn. Verð bara að vera dugleg *hóst* *hóst* í dag og á morgun svo ég geti tekið frí á sunnudaginn. Æ já, það er líka kaffiboð hjá Heimi þannig að ég verð víst eitthvað að fara út úr sófanum.

Það er ekkert nema þvílíki veislumaturinn í boði svo þetta verða dýrindisdagar. Í gær var það grillað svínakjöt með fullt af gúmmelaði, í kvöld er það steiktur skötuselur með ananas og papriku (ég fæ alveg vatn í munninn) og svo veit ég ekki með framhaldið. Ég er allavega búin að biðja um það að ekki verði boðið upp á lambakjöt :) Sjáum til hvort óskin rætist...

Inga Sif, sú sem fær páskaegg eftir tvo daga :D

Skúlen skúlen skúlen

2007-03-29T11:47:00.000Z

Þetta hópaverkefni er loksins alveg að verða búið júhúúú. Þetta er búið að vera ótrúlega gaman en á sama tíma alveg ótrúlega leiðinlegt. Sérstaklega þegar við föttuðum fjórum dögum fyrir skil að allt sem við vorum búnar að reikna væri bandvitlaust :s en við snillingarnir náðum auðvitað að laga það og allt er komið á réttan kjöl núna. Enda er þetta síðasti dagurinn sem við getum verið í þessu.

Á morgun er það svo sumarbústaður með Hrafnhildi og Atla þar sem við ætlum að eyða helginni í lærdóm, pottinum og örlítilli afslöppun inn á milli. Þetta verður svaka fínt þar sem ég get þá farið að einblína á B.A. verkefnið mitt... já öfundið þið mig bara! Ég á ennþá alveg fullt eftir.
Þið krúslur verðið bara heima að gera eitthvað annað spennandi.

Bylgja Dögg og Rakel Talía eru á landinu núna og við gærurnar kíktum til hennar. Þvílíka krúttið þessi stelpa og mamman stendur sig með einstakri prýði. Alveg fædd í þetta hlutverk. Sigfús kemur svo til Íslands í dag og þau ætla að vera hér fram yfir páska. Vonandi verður allavega einn hittingur í viðbót áður en þau fara af landi brott aftur.

Annars hefur síðasta vika bara verið lærdómur lærdómur lærdómur, já og eitt afmæli hjá Einínu á laugardaginn sem endaði með því að ég keyrði fjórar vel fullar stelpur niður í bæ sem höfðu einstaklega gaman af lífinu og tilverunni :D

Svo er hún Bryndís mín að fara til Flórída á morgun og ætlar að eyða næstu tveim vikum þar. Luvs luvs luvs og farðu nú varlega í sólbaðinu og shopinu.

Þangað til seinna

Inga Sif, sú sem er að fara í bústað :D

Ég er alveg ótrúleg

2007-03-25T11:26:00.000Z

Það er alveg fullt af fólki sem á afmæli á þessum árstíma, þar á meðal fjórar gærur. Af þeim hef ég bloggað afmæli einnar þeirrar á réttum tíma (tek það fram að ég bloggaði ekki á mínum afmælisdegi). Á föstudaginn átti hún Guðbjörg Huld afmæli og ég gleymdi að láta almenning vita af því þó svo að ég sæti við tölvuna frá 8:15-18 þennan dag. Dóninn ég!

En ég skelli þá einni mynd inn af henni núna, vona að hún sé ekki vængbrotinn flugfreyjulærlingur.

Sæta pæjan á Akureyri í fyrra þegar við máluðum bæinn eldrauðan! :D

Kannski ég skelli bara annarri mynd af henni inn til að bæta fyrir að gleyma henni ;)

Við partýgellurnar staddar á Ránargötunni - vá hvað það er langt síðan að við vorum þar, samt bara eins og það hafi verið í gær :)

Annars er bara allt í gúddí hér, átti mér frekar sorglegt föstudagskvöld þar sem ég sat heima að læra, lærði frá 10-18 í gær og var mætt á The Bookbarn kl. 11 í dag sunnudag og ætla að sitja hér til lokunar... sem er kl. 17.

Lífið lífinu, ekki get ég það þessa dagana

Inga Sif, sú sem lærir

Nú er úti veður vott...kalt, vindur og él

2007-03-20T14:08:00.000Z

Já þessi för mín í Þorlákshöfn tókst ekki sem skyldi. Eftir að hafa keyrt út úr bænum og framhjá Heiðmerkurafleggjaranum kom þessi þvílíki skafrenningur að ég sá varla neitt. Sem betur fer var bíll fyrir framan mig og ég reyndi að fylgja honum og þessari einu stiku sem ég sá í einu. En þegar ég var hætt að sjá bílinn leist mér ekkert á blikuna og var að hugsa um að stoppa en Subaruinn er svo æðislegur að í sameiningu komumst við að Litlu Kaffistofunni eftir um 45 mín. akstur. Þar beið ég og dokaði ásamt fullt af öðru liði sem var á ferðinni.

Ekki það að ég hafi verið svaka vitlaus og ekkert pælt í færð á vegum, ég gerði það sko en þetta er Ísland sem við erum að tala um og veðrið versnaði bara á hálftíma.

Svo ákvað björgunarsveitin að fylgja okkur í bæinn aftur og líka yfir heiðina (þeir sem voru á leiðinni þangað). Mig langaði alveg ofsalega að halda áfram austuryfir en þá hefði bara verið spurning hvort ég hefði komist heim aftur seinna í dag.

Þannig að elsku bestasta Siggan mín, ég verð bara að koma í heimsókn seinna og þá á Akureyri. Við kannski skemmtum okkur þá jafn mikið og við gerðum á djamminu þar he he

Æ lof jú end í vill mít jú in Akureyri ðis summer.

Inga Sif, sú sem var veðurteft

Hamingjan

2007-03-17T16:21:00.000Z

Lykillinn að hamingju felst í hliðar saman hliðar sporum.
Það segir Vignir að minnsta kosti.

Er eitthvað annað hægt en að elska þennan snilling... úr fjarlægð

Inga Sif, sú sem nú dansar hliðar saman hliðar

Að lesa og skrifa list er góð

2007-03-15T18:22:00.000Z

Ég á mér mjög svo óspennandi líf þessa dagana. Ég geri eiginlega ekkert annað en að lesa og skrifa, bæði fyrir hópaverkefnið og svo líka fyrir B.A. ritgerðina mína fallegu.

Bækurnar fljúga milli fingranna og blöðum er endalaust flett. Samt er ég svo langt frá því að vera búin. Ég verð forever and ever hérna og ef þið viljið hitta mig kíkið þá endilega á Bókhlöðuna eða jafnvel í Odda við tækifæri. Mér þætti gaman að sjá öll börnin sem verða komin í heiminn áður en þessu lýkur hjá mér.

Inga Sif, sú sem skrifar og skrifar

Auglýsingabrellur!

2007-03-08T22:40:00.000Z

Ég var í miðjum klíðum að horfa á House þegar að auglýsingar komu. Þá kom þessi fína auglýsing Úrvals Útsýnar um Krít og ÞVÍLÍKT BULLSHIT. Myndirnar sem eru sýndar eru frá Santorini en ekki Krít og þar er sko bigg different. Ok, ok, það er hægt að fara frá Krít til Santorini en að auglýsa ferð til einnar eyju og sýna myndir af annarri... svona svipað eins og að auglýsa ferð til Grímseyjar en hafa myndir frá Vestmannaeyjum. Ég skal sýna ykkur dæmi:

Þessi mynd er tekin á Krít, nánar tiltekið er þetta feneyska höfnin í Chania sem er sá staður sem flestir fara til þegar ferðast er til Krítar.

Þessi mynd er tekin í þorpi á vesturströnd Santorini og þangað er farið með ÚÚ ef 5 klst. ferjan er tekin.

Þessar myndir sína ekki alveg allt saman en þeir sem hafa komið á báða staði vita að það er ansi mikill munur á þessum tveim eyjum. Ég skil ekki að ferðaskrifstofan skuli leyfa sér þetta, ætli enginn þeirra sem gera auglýsinguna hafi komið þangað og hafi bara unnið úr videomyndbandi sem tekið var í ferðinni? Æ dónt gett it!

Í auglýsingunni sjást eiginlega bara myndir af Santorini, fyrir utan gamlan mann og köfun. Það er ekki hægt að staðfesta að þetta tvennt sé tekið á Krít en ég veit með vissu að hin myndskeiðin eru tekin á allt annari eyju en verið er að auglýsa.

Hvað segir fólkið mitt um þetta - sammála eða ósammála?

Inga Sif, sú sem þolir ekki auglýsingabrellur...arrrg

2007-03-06T21:25:00.000Z

Nú er það afmæliskveðja. Bryndís vinkona á afmæli í dag og er því komin í 24 ára gæruhópinn, aðeins 10 dögum á eftir mér. Við eyddum deginum saman í búðum eftir vinnu og svo farið út að borða. Ekkert smá kósý ha! En við vorum nú ekki bara tvær heldur voru Helga Hrönn og Linda með okkur.

En sama hvað þú reynir Bryndís mín þá munt þú aldrei ná mér í aldri snúllan mín ;)

Inga Sif, sú sem er 10 dögum eldri :)

Hver er svo staðan eftir helgina?

2007-03-04T20:00:00.000Z

Ég veit að fáir trúa þessu en ég djammaði bara ekki neitt þessa helgi. Það hefur ekki gerst í langan tíma og ég vona að þið haldið ekki að ég sé djammfíkill (er ég það?). En föstudagskvöldið fór bara í videokvöld með Hrafnhildi og Styrmi og svo beint heim að sofa því ég var að vinna laugardagsmorgun. Svo var mjög rólegt kvöld heima í gær þar sem ég var að spila við Dagnýju Rut litlu frænku og horfði á bíómyndir á RÚV. Svo var tekinn rúntur downtown 101 þannig að ég get ekki sagt að ég hafi haldið mig í úthverfunum alla helgina. En svo var það verkefnavinna í morgun þannig að ég varð að vera fersk fyrir flotta verkefnið :)

Núna ligg ég afvelta uppi í rúmi eftir að vera úti að borða með Krummhildi og Biddu Breezer. Ný vika er að hefjast og strax komið smá plan. Síðasta vika var fyrirfram ekkert plönuð (sem var mjög óvanalegt) og þess vegna kom mér margt á óvart.

Inga Sif, sú sem planar... svona oftast :)

Nýr mánuður

2007-03-01T18:09:00.000Z

Bíddu... var ég ekki í áramótapartý fyrir stuttu? Svo kom afmæli hjá Sævari, skólinn byrjaði, svo var það bústaður og útskrift, afmæli, þorrablót, afmæli, afmæli og aftur afmæli í febrúar og púff! Það er kominn mars.

Er einhver búin/nn að panta fyrir mig pláss á Kleppi? Það er svo stutt í ritgerðarskil, ég ætlaði að vera komin miklu lengra á þessum tíma (svona miðað við skipulagið mitt). En tíminn hefur sko greinilega flogið í burtu.

Inga Sif, sú sem er í tímaþröng.

Ég get ekki beðið...

2007-02-25T22:14:00.000Z

... eftir því að klára þetta hópaverkefni. Góður og skemmtilegur hópur en verkefnið er frekar erfitt þar sem að við fáum ekki alveg nægar upplýsingar um gögnin sem við erum að vinna með.

... eftir því að ljúka við B.A. ritgerðina. Búin með örlítið brotabrot af henni og fullt eftir ennþá. Skiladagur á drögum hennar er í lok apríl og svo fæ ég hana aftur í hendurnar og get bætt hana.

... eftir 1. júní því þá koma ný lög um reykingar á skemmtistöðum. Ég var alvega að kafna þegar ég var á leiðinni heim í morgun eftir heljarinnar afmælisdjamm í Austurstræti 20. Þvílík stybba, oj! Kjóllinn minn fékk góða viðrun úti á svölum.

... eftir því að útskrifast. Útskrift er 16. júní og eftir það veit ég ekkert hvað ég á að gera af mér. Ef einhver hefur skemmtilega og góða vinnu fyrir mig - endilega hafið samband.

... eftir því að fara til Krítar. Ég þarf nú að bíða ansi lengi þar sem að við förum ekki fyrr en 1. sept. og það er ennþá febrúar. En það sem búið er af árinu hefur liðið ansi hratt þannig að ég býst við því að ég verði komin út áður en ég veit af.

Inga Sif, sú sem getur ekki beðið ;)

Ég hef fengið nóg!

2007-02-23T10:34:00.000Z

Síðustu daga hefur verið mikil umfjöllun í fréttum um þessa blessuðu ráðstefnu um netklámframleiðslu sem halda átti 7-11. mars á Hótel Sögu/Radison SAS. Á bloggsíðum landsins hefur mikið verið rætt um þetta og þar var meðal annars spurt hvað Stígamótakonum finndist um málið og hvar allir femínistarnir væru. Allir fóru að pukra um þetta, hvað þetta væri nú slæmt og setti svartan blett á okkar fallega hreina land sem er svo hryllilega pörfekt að ekkert slæmt gerist hérna (ekki það að klám sé "eitthvað slæmt").

Ég fékk alveg nóg þegar ég las það í fréttum 20. feb. að borgaryfirvöld væru farin að blanda sér inn í þetta og sögðu þennan hóp fólks óvelkominn í Reykjavík. Eftir þetta fór allt á fullt og Bændasamtök Íslands (eigendur R. SAS) fóru að vísa frá gestum sem hafði bókað gistingu hjá þeim þessa umræddu daga ef þeir gátu tengt það við netklámframleiðsluráðstefnuna. Piff!

Það sauð algjörlega upp úr hjá mér í gær þegar alveg var hætt við þessa ráðstefnu. Ég var svo fjúríus af því að þetta er svo fáránlega hallærislega glatað að loka á eitthvað svona. Það er ekkert verið að fremja lögbrot með því að halda þetta hér á landi því að netið hér á landi er fullt af klámi og klámefni selt í sérverslunum, bókabúðum, í íslenskum sjónvarpspökkum og ég veit ekki hvar og hvar...

Svo leyfa þessi "sniðugu" borgaryfirvöld að hafa klámbúllur í borginni, alla daga, öll kvöld en vilja svo banna fólki að tala um framleiðslu klámefnis í nokkra daga! Ég held að það þurfi eitthvað að fara að gera við þessi yfirvöld. Lítið ykkur nær bjánar! Ég skammast mín ekkert þó ég segi bjánar á netinu. Þetta eru svo léleg rök - engin rök að ég það liggur við að ég fari á næsta fund niður í borgarráð og bendi á þau og hlægi. Vitleysan er svo mikil.

Mér finnst líka fáránlegt að Saga láti sér detta í hug að láta undan þrýstingi "hins almenna borgara" og hætta við ráðstefnuna. Þessi almenni borgari er bara biturt, leiðinlegt fólk sem finnur öll tilefni til þess að mótmæla. Ég þoli ekki svona lið og vil ekki vera undir þessum almenna borgara hatti. NEI TAKK! Svo kom einhver kjella hjá Sögu fram í fréttum í gær og segir að þau verði að bjóða upp á klámefni á hótelinu því þau eru í alþjóðlegri hótelkeðju. Hvaða andsk... vitleysa er þetta. Ég snýst bara í hringi hérna.

En ok, það er frekar bjánalegt af þeim sem standa fyrir Snowgathering 2007 að segja að fólk hafi meiri áhyggjur af fullorðnum konum sem fækka konum sjálfviljugar en hvalveiðum. Þar fengu þau líka á sig slæma mynd. En kannski eru þau líka þessi almenni borgari sem vill mótmæla hverju sem er.

Nú spyr ég: Finnst ykkur að það sé hægt að banna þessa ráðstefnu hér á landi?

Ekki það að ég sé klámfan nr. 1 en ég sé ekki að hægt sé að banna þetta því þetta fari fyrir brjóstið á einhverjum hluta af þjóðinni. Ég fékk nóg af klámumræðu í skólanum í áfanga sem heitir Áhrif kláms og ofbeldis í myndmiðlum en ekki fer ég niður á Austurvöll og mótmæli því að einhverjir útlendingar komi hingað til lands að tala um klám inni í einhverjum sal.

Skandall, skandall, skandall!

Inga Sif, sú sem er alveg fjúríus!

Vonda stelpan

2007-02-22T09:22:00.000Z

Ein af mínum bestu vinkonum er svaka sár út í mig þessa dagana, réttara sagt síðustu átta daga. Ástæðan er sú að hún átti afmæli 14. feb og ég kom ekki með neina afmæliskveðju hérna inn á bloggið. Hún á allan rétt á því að vera sár en lofaði því að hætta því ef ég setti inn mynd af henni hér og óskaði henni til hamingju með daginn um daginn. Svo hér kemur það:

Elsku besta Hrafnhildur, innilega til hamingju með 24 ára afmælið um daginn. Vona að þú gerir þér grein fyrir því að þú sért sú elsta í gæruhópnum... en ég er rétt á eftir þér!

Betra er seint en aldrei ha! Vá hvað við vorum flottar þarna á Akureyrinni í fyrra. Ég sé það HrabbyLabby að þú verður að vera duglegri að koma með á djammið hér sunnan heiða líka.

Við tökum bara nokkrar myndasyrpur af okkur um helgina til að bæta í safnið. Frábær helgi framundan!

Kiss kiss

En ég er sem sagt búin að leiðrétta þetta. Og svo það komi fram þá gleymdi ég EKKI að óska henni til hamingju með daginn face-to-face, bara á blogginu :)

Inga Sif, sú sem er nú laus undan öllum ásökunum ;)

Igghhh...

2007-02-20T11:30:00.000Z

Vitið þið hvernig það er að vinna verkefni sem þú veist ekki alveg hvernig var gert, hvert það stefnir og hvort eitthvað af því sem þú ert að gera meiki eitthvert sense?

Inga Sif, sú sem er í erfiðu verkefni :(

Söngvakeppnin og súr matur

2007-02-18T13:01:00.000Z

Það er nú ljóst að Mr. Haukson fari til Helsinki að þenja raddböndin fyrir okkur Íslendinga í Eurovision. Ég veit ekki alveg hvað mér á að finnast um það. Var búin að ákveða að Friðrik Ómar ætti að vinna en annars þá hef ég ekki verið að fylgjast með á fullu. En ég segi bara Good Luck til Eiríks og ætla að lána honum orðin Áfram Ísland!

Annars horfði ég ekki á keppnina því ég ákvað að eyða kvöldinu með ættinni minni á árlegu þorrablóti Syðra-Garðshorns ættarinnar. Sat að borða hákarl og brennivín ásamt smá af súrum mat, hangikjöti og pottrétti. Frábært kvöld sem endaði á Hressó með nokkrum skvísum. Fengum mikla athygli frá báðum kynjum því við vorum með siljurlituð horn á hausnum. En kvöldið var skemmtilegt, þrátt fyrir mikla þreytu og hor í hægri nösinni.

Inga Sif, sú sem er súr

Lítil stelpa...stór bíll

2007-02-13T16:43:00.000Z

Ég komst að því áðan þegar ég var keyra heim úr vinnunni að Renault Traffic er ekki gerður fyrir litlar manneskjur. Ég náði varla að sjá yfir stýrið - svona án gríns - því það er svo gríðarlega hátt og húddið svo stutt og lágt að ég vissi aldrei hversu nálægt bílnum ég mátti fara.

Sem betur fer þurfti ég ekki að keyra alla leið úr Keflavíkinni bara Árbær - Grafarvogur.

Inga Sif, sú sem er lítil :(

Röskva + fallega fólkið í framboði

2007-02-09T11:17:00.000Z

Það er alltaf gaman þegar að þeir sem þú heldur með vinna. Því miður gerðist það ekkert allt of oft á HM en hér í HÍ gerðist það í gær að Röskva náði 5 einstaklingum inn í Stúdentaráð en Vaka bara 4. Ég varð mjög glöð :)

En annað sem gladdi mig líka var listinn yfir fallega fólkið í kosningunum. Ég er stolt af því að þekkja svona fallegt fólk, eins og þann sem vermir 4. sætið hjá strákunum og ofurskvísuna í 1. sæti stelpumegin. En ég tók auðvitað ekki þátt í kosningunum, annars hefði röðin orðið önnur :)

Inga Sif, sú sem þekkir fallega fólkið

Hárprýði

2007-02-08T19:07:00.000Z

Ji minn eini. Ég gat ekki annað en tekið upp tölvuna og hripað niður á bloggið mitt eftir að hafa séð frétt áðan á RÚV um verðbólgu. Fréttin sjálf vakti ekki athygli hjá mér heldur sjálfur Seðlabankastjórinn Dabbi kóngur. Þið verðið bara að fyrirgefa en er honum alveg sama um útlit sitt? Hárið á honum var þvílíkt reytt og úfið og hann var allur frekar lufsulegur.
Á Alþingi eru menn skyldugir til þess að vera með bindi (þó svo að sumir hafi verið með uppreisn) og konur þurfa að vera fínar í tauinu. En svo virðist sem Davíð hafi þurrkað allt svoleiðis út þegar hann gekk út úr þingsal. Greyið er orðinn eitthvað svo gamall að sjá og kannski hafi hann misst stílistana sína þegar hann missti sæti sitt á þingi.

Ein lítil afmæliskveðja í lokin, Lilja Rut á afmæli í dag og er hún orðin 22 ára skvís. Til hamingju með daginn snúlla! Því miður fann ég enga mynd af skvísunni þannig að þið verðið bara ímynda ykkur hvernig hún lítur út he he.

Inga Sif, sú sem hefur áhyggjur af hárlokkum Dabba

Peningur + útsala = eyðsla

2007-02-03T13:48:00.000Z

Fínt að hafa útsölulok svona í upphafi mánaðarins þegar ég er búin að fá útborgað. Þá er hægt að eyða laununum viturlega. Þess vegna ætla ég að kíkja í Kringluna og kannski ofurtyppið eftir leikinn. Vona bara að ég finni eitthvað fínt og flott.

Inga Sif, sú sem vill eyða laununum í mollonum :)

2007-01-31T16:56:00.000Z

Ég þoli ekki fólk sem situr á Bókhlöðunni, hóstar og snýtir sér alveg eins og það trufli ekki hina.
Þess vegna fór ég snemma heim í dag - vildi ekki verða one of those :)

Inga Sif, sú sem hóstar og hóstar

Leið :(

2007-01-31T11:25:00.000Z

Ég er alveg óhemju leið í dag.

Ég var alveg viss um að við ynnum Baunverjana í leiknum í gær en því miður rættist ekki óskin mín.

Einnig sit ég á Bókhlöðunni ein því Dagný Ósk Hlöðufélagi er í vinnunni.

Ég næ ekki að komast mikið áfram í ritgerðinni minni, er eitthvað svo lost.

Inga Sif, sú sem er leið

2007-01-30T17:35:00.000Z

Nýja árið hefur liðið ansi fljótt. Á morgun rennur upp besti mánuður ársins og það styttist óðum í afmælið mitt :) Ég er nú langt í frá því að vera sú eina sem á afmæli í þessum mánuði því svo virðist sem flestir sem ég þekki eigi afmæli á tímabilinu jan-mars. Á þessu sama tímabili er ekki gott að gifta sig samkvæmt niðurstöðum könnunar sem ég las. Þær niðurstöður sem fengust sýndu að algengast er að þau hjónabönd sem fara fram í þessum mánuðum endi með skilnaði.

En ég pantaði mér ferð til útlanda fyrir helgi ásamt þremur öðrum megabeibum. Ferðinni er heitið til Krítar þann 1. sept í tvær vikur! ÉG GET EKKI BEÐIÐ. Við verðum á hóteli sem heitir Skala, lítið sætt hótel sem ég hef verið á tvisvar sinnum áður. Það eru bara átta herbergi þannig að ef þið viljið koma með verðið þið að fara að panta a.s.a.p. :) Ég ætla að deila með ykkur smá minningum þaðan

Skólinn gengur ekki vel, ég er frekar löt og þarf að fara að fá spark í rassinn. En svo er líka HM alveg að verða búið og þá verður fókusað betur á lærdómin. En þetta er síðasta önnin í bili þannig að ég get ekki kvartað mikið.

Inga Sif, sú sem fer alveg að telja niður dagana í útskrift.

Hvar er annar gírinn???

2007-01-25T13:12:00.000Z

Ég er núna búin að sitja á Bókhlöðunni í rúma 2 tíma. Ekki hefur allur sá tími farið í lærdóm og hugurinn er ekki alveg við efnið. Ég var til dæmis áðan að bóka ferð til Krítar með þremur öðrum ofurskutlum og hef aðeins verið með hugann þar.

Bækurnar liggja enn í pokanum síðan ég kom hingað en ég er þó búin að finna nokkrar greinar á netinu sem ég get notað. Þetta fer lötur hægt af stað og ég verð að fara að spýta í lófana og skipta yfir í fimmta gírinn.

Ef einhver þarna úti kann gott ráð við -að komast ekki í gang- vandræðum, lett mí nó plís.

Leikur í kvöld, við erum þau einu í okkar riðli sem erum komin með 4 stig. ÁFRAM ÍSLAND!

Inga Sif, sú sem finnur ekki annan gírinn í lærdómi, bara í handboltanum :þ

Smá pása

2007-01-23T21:36:00.000Z

Hjartað mitt hefur fengið að vera rólegt í dag... enginn handbolti. Leikurinn í gær var tær snilld og andrúmsloftið á heimilinu í samræmi við spennuna í leiknum. Greyið Daníel Týr litli var að leika sér á gólfinu þegar amman, afinn og frænkan öskruðu og öskruðu. Það eina sem kom upp úr honum var: "æi, ekki öskva sona!" - snúllinn :)

En það var líka smá pása frá lærdómi í dag (ekki það að ég sé búin að vera neitt dugleg). Ég fór að vinna svo ég geti nú lifað á einhverju öðru en loftinu í stóra afmælismánuðinum febrúar, fullt af afmælum og hátíðum framundan. Gleymdi í gær að setja hér inn að minn eini bróðir varð 25 ára. Til lukku með það! Hann fær enga mynd af sér hér inn því ég skrifa þetta úr fornaldartölvu föður míns. Mín tölva er hos min söster því hennar tölva hrundi og hún þurfti að taka próf. Ég sakna Fjólu alveg svakalega og veit ekkert hvað ég á að gera í frítíma mínum.(For the record - Fjóla er tölvan mín).

Ég held að nóg sé komið í dag. Búin að vaka síðan 5:15 og þarf að vakna 6:15, fara í gymmið og mæta á Hlöðuna í hópaverkefni kl. 9. Fyrir þann tíma ætla ég að sækja Fjólu til Fanneyjar, get ekki verið lengur án hennar.

Inga Sif, sú sem á tölvu fyrir afkvæmi!

e.s. ég veit að það eru einhverjir þarna úti sem skilja samband mitt og Fjólu :)

Hitinn í kuldanum

2007-01-20T15:03:00.000Z

"Það er allt að verða klárt hér" segir Geir sem er að byrja að lýsa leiknum Ísland - Ástralía. Spennandi leikur framundan þó svo að ég búist nú ekki við öðru en að við vinnum þennan leik. Helga Hrönn mín kæra vinkona sagði mér áðan að ég ætti ekki að vera nálægt foreldrum mínum á meðan leiknum stendur því þau gætu fengið hjartaáfall. Til að fræða ykkur sem þekkið mig ekki sem svakalegan handbolta aðdáenda þá segi ég bara að það sé kannski gott fyrir ykkur, eða réttara sagt hjartað ykkar að vera ekki nálægt mér þegar ég horfi á þessa íþrótt :)
Þegar þessum leik er lokið verður mér örugglega ekki eins kalt og mér er búið að vera undanfarna daga. Þetta kuldakast er ekki gott en þá er gott að hafa svona adrenalín kick til að horfa á. Ekki er það verra að hafa einn sætasta piparsvein landsins í landsliðinu. Skelli einni mynd af honum fyrir ykkur... svona ef þið eruð ekki viss á því um hvern ég er að tala.

Tólf mínútur búnar af leiknum og staðan er 11-2 fyrir okkur. Áfram Ísland!

Inga Sif, sú sem heldur sér heitri í kuldanum með handboltaáhorfi

Pirr pirr pirr

2007-01-15T21:05:00.000Z

Eitt er það sem virkilega böggar mig... þegar kennarar mæta ekki í tímana og láta ekki vita. Það gerðist í dag, fyrsta skóladaginn. Bögg.is. Eini tíminn sem ég á að mæta í skólann og ég fer vestur í bæ til einskis. Ég ætla ekki einu sinni að fara út í allt bílavesenið sem ég þurfti að lifa við í dag! Svo ætlaði ég að reyna að koma á smá fundi með verðandi leiðbeinendum mínum í lokaverkefninu mínu en annar þeirra komst ekki þannig að við þurftum að fresta því til morguns. Þetta þýðir að ég get ekki mætt í vinnuna tvo daga í þessari viku út af skóla. En ég nenni ekki meiri pirringi, verum glöð.

Annað sem mig langar að segja ykkur frá í sambandi við daginn í dag er að nú eru sjö ár síðan ég átti að verða Reykvíkingur. Á þessum tíma árið 2000 var ég búin að vera að borða pizzu á eldhúsgólfinu á Hagaflötinni og þurfti svo að þrífa loftið inni í stofu. Við fórum með alla búslóðina í einni ferð því við höfðum flutningabíl ásamt tengivagni. Svo voru þrír eða fjórir bílar sem gátu tekið smádót. Ég man að ég sat aftur í Subaru á leiðinni upp í Grafarvoginn með tárin í augunum. Þetta fannst mér alveg ömurlegt - að þurfa að flytja úr Garðabænum. :(

Á Hagaflötinni bjó ég í næstum 11 ár og minningarnar eru óteljandi. Hér í B-21 hafa nú líka safnast saman margar minningar en Hagaflötin er The Place í mínum augum. Fólkið sem keypti húsið af okkur breytti því rosalega mikið og nú lítur það ekki út neitt líkt því og þegar ég bjó þar. Garðurinn er meira að segja allt öðruvísi, runnar farnir, aspirnar horfnar og búið að setja grasþökur í staðinn fyrir hraunsteinana. Whole other place, enda ekki okkar lengur. En það voru fullt af skemmtilegum stundum þarna og ég passa þær vel.

Inga Sif, sú sem heldur í minningarnar :)

Áfram Ísland!

2007-01-13T18:55:00.000Z

Jamm, ný komin af leiknum - sveitt og ógeðsleg. Starði á Vigni en gat samt fylgst með leiknum ;) Hann fór ekkert inn á en var duglegur að naga á sér neglurnar á varamannabekknum he he.

Við fórum sex saman ég + Hrafnhildur + Guðbjörg + Bryndís + Helga Hrönn + Dóri. Bryndís veit ekki neitt um handbolta og ég eyddi ákveðnum tíma í að útskýra fyrir henni leikinn. Svo er að horfa á leikinn á morgun og sjá hvort þeir vinni ekki þann leik. Í dag töpuðu "strákarnir okkar" með tveggja marka mun (ætti ég kannski að segja landsliðið af því að þeir unnu ekki)

Svo er það ein afmæliskveðja í dag. Bylgja Dögg ofurmamma og megabeib er 24 ára í dag. Í vikunni átti hún gordjöss prinsessu og ég stal myndum af heimasíðum þeirra til að sýna ykkur skvísurnar :)

Til hamingju með afmælið og til hamingju Bylgja og Sigfús með stelpuna!

Svo í kvöld er brjáluð dagskrá. Þrítugs afmæli hjá Sævari mági og svo innflutningspartý hjá Önnu Rós. Svo held ég að það sé kominn tími til þess að heimsækja Hressó því þangað hef ég ekki komið í alllangan tíma. Ef þið viljið hitta mig þá bara mæta þangað :)

Inga Sif, sú sem styður strákana okkar

Alveg einstök uppfinning

2007-01-12T10:59:00.000Z

Hvað haldið þið! Það er kominn á markaðinn hringur sem er ekki trúlofunarhringur og ekki giftingarhringur. Nei, þessi hringur er fyrir þá einstaklinga sem eru einhleypir - sem sagt hözzlhringur! Þetta er merki þess að maður er frjáls eins og fuglinn.
Nú eiga sumir eftir að gagnrýna þetta; til hvers að sýna að maður eigi ekki svokallaðan betri helming? Á móti segi ég nú bara til hvers að sýna að maður sé frátekinn? Hvernig á einhver að geta náð sér í maka ef hann/hún er alltaf í vafa hvort sá sem hann/hún hefur augastað á er á lausu eða ekki. Það er mjög sniðugt að hafa þetta "merki" sem segir "ég er single, reyndu við mig"
Þegar hefur þessi hringur verið seldur í allavega 17 löndum og eins og segir í greininni þá er þetta fræga hollívúdd lið líka farið að sýna hringana. Ég styð þetta heils hugar og vonast til þess að þetta komi sem fyrst á íslenskan markað. Þá þarf ég ekkert að vera í vafa hvort huggulegir karlmenn eru á lausu eða ekki.

Lesa má um þetta á slóðinni http://www.firebox.com/index.html?dir=firebox&action=product&pid=1438&src_t=cat&src_id=lifestyle

Inga Sif, sú sem bíður spennt eftir þessari snilldar hugmynd :)

Kuldaboli

2007-01-10T17:24:00.000Z

Nú væri mjög gott að eiga eitt stykki föðurland. Vinnan mín býður upp á alveg hryllilega lélega, eiginlega bara enga, upphitun í þessu risastóra vöruhúsi. Ég vinn í úlpunni og með húfu allan daginn og í lopasokkunum. Eitthvað sem vantar bráðnauðsynlega er meiri hiti. Ef þið finnið hann vinsamlegast sendið hann á eftitfarandi stað:

Dreifingarmiðstöðin
Bygging 585
235 Keflavíkurflugvöllur

Inga Sif, sú sem er að krókna úr kulda í vinnunni :(

Barn er fætt í Betle... nei, Århus

2007-01-08T12:40:00.000Z

Bylgja Dögg og Sigfús áttu litla prinsessu í gær. Í augnablikinu veit ég ekki meir en frekari upplýsingar koma inn seinna. Vá hvað ég er glöð fyrir þeirra hönd.

Til hamingju - Til hamingju - Til hamingju!!!

Kiss kiss og gangi ykkur svakalega vel með allt saman.

Inga Sif, sú sem er mjög stolt skáfrænka :D

Afmæli, Darwinismi og jólin kvödd

2007-01-06T14:35:00.000Z

Bloggið byrjar á afmæliskveðjum:

Esther nokkur á Fáksrúðsfirði er í dag 23 ára. Hún verður örugglega með svakalega veislu í kvöld ef ég þekki hana rétt. En allavega... til hamingju með daginn.
Atli á Skaganum á líka afmæli í dag og hann er orðin 26 ára, gamli skröggurinn. Ef ég þekki hann rétt þá verður bjórinn ekki sparaður í kvöld. Til hamingju með daginn.

Annað sem ég vil nefna er svolítið sem ég las inni á mbl.is um Darwin-verðlaun. Frekar skondið svo kíkið á http://mbl.is/mm/folk/frett.html?nid=1245397. Fólk er og verður mis skrýtið. Ég hef alltaf haldið að Bandaríkjamenn væru frekar skrýtnir svo það kom mér á óvart að aðeins einn þaðan fékk þessi verðlaun.

Í dag er kominn sjötti dagur ársins og honum fylgir alltaf Hangikjötsát með öllu tilheyrandi því þetta er síðasti dagur jóla. Þá fæ ég líka laufabrauð í síðasta sinn í laaangan tíma.

Í ár missti ég alveg af jólaundirbúningnum því prófin stóðu til 21. des og svo hófst jólavinnan daginn eftir. Eina skrautið í herberginu mínu er bleika aðventustjarnan mín sem ég hef átt í fjöldamörg ár, jólatréskerti og þrjú lítil jólaálfakerti.

Næstu jól verður skreytt meira.

Lengra verður þetta ekki í dag hjá mér.

Inga Sif, sú sem kveður jólin með Hangikjöti og laufabrauði.

Árið 2007

2007-01-03T17:33:00.000Z

Með nýju ári fylgja alltaf einhverjar breytingar, hvernig ætli árið verði hjá mér?
Ég er mikið búin að vera að spá í hvað þetta ár beri með sér og hef komist að þeirri niðurstöðu að þetta ár á eftir að breyta ansi miklu. Hér eru nokkur dæmi:
1. Í febrúar verð ég 24 ára - mér finnst það hár aldur
2. Í febrúar/mars byrja ég á lokaritgerðinni minni - háskólinn er að verða búinn
3. Í júní útskrifast ég úr háskólanum - ég er að verða fullorðin
4. Í maí/júní fæ ég vonandi mína framtíðarvinnu - ég er að verða fullorðin
5. Einhvern tíma á árinu (vonandi) flyt ég að heiman - ég er að verða fullorðin

Niðurstaða: Á árinu 2007 verð ég fullorðin!

Inga Sif, sú sem er að verða fullorðin :)

Úff úff úff

2007-01-01T22:06:00.000Z

Já fólkið mitt. Þetta er orðið að veruleika. Ég var víst einhvern tíma búin að lofa mér því að búa til síðu um mitt skemmtilega líf og hér er hún komin. (Þessi áramótaheit...). Til að vita meira verður lesningin að vera oftar en einu sinni því þessi fyrsta færsla er bara eins konar "Welcome to my blog" færsla.

Inga Sif, sú sem heldur að líf sitt sé spennandi ;)